其實豐澤有部賣790的機頂盒,但我自己對"八號仔"情有獨鐘,不過豐澤沒有"八號仔"賣,唯有去另外一間有賣"八號仔"的鐳射. 盛惠1350.

到今時今日, 沒有辦法之下唯有走去門市問價, 但竟然是最優惠的, 仍然是239, 簽兩年 , 但送四個月, 平均199一個月. 我早兩年不續約時他們也只能提供259月費, 因此199也覺得算是很不錯.

常常看見有討論區有人可以少於199看全餐, 但我身邊總不認識這些人, 究竟這些人是否存在?

從宣傳攻勢而言, NOW可以說是做到足, 吸引力可以說是見仁見智, 以我而言, 鄭丹端林姍姍的節目質素上會有一定保證, 幾乎由我可以自主控制收音機的頻道時已聽他們做節目, 情意結也有不少, 盲目到我曾經看過初期由鄭丹端的"高朋滿座", 係! 大家都幾乎忘記了這個處境喜劇我也曾看過. 但不久看見鄭丹端被各種宣傳品淹蓋著, 後更淪為黃金時段的宣傳易, 任誰也不願看下去.

這個頻道, 宣傳時一大堆節目, 但原來只搶攻星期六日時段, 差不多所有重點的節目全放到星期六日上, 一至五完全無以為繼, 黃金時段晚上八時竟與332同步做新聞, 九時做財經, 九時半才開始重做星期六日的節目, 這樣我怎能拿15元出來看幾個節目?

其實有NOW的, 應大部份都會有332台, 綜觀100台全日的節目表, 有很多時間都是與332和333同步, 既然是打正旗號係綜合資訊頻道, 不要播新聞和財經, 這樣只會令人覺得不夠節目播而和其他頻道同步攝時間. 觀眾拿15元出來會覺得不值.

我俾得15元, 都希望我拿着控制器時多個選擇啫.

(閱讀全文)

多得cable, 有網上直播同重溫, 幾時睇都得, 除了個畫面細啲之外, 畫面都算好流暢. 至緊要係免費. 而佢地相信亦為下屆的奧運作一個準備.

至放兩個免費電視台. 一個就以人多勢眾, 另一個就以多頻道同時廣播競爭.

先講TVB, 又係一大班人非常熱鬧地依嘩鬼叫, 強調自己專業, 但每次都會聽到成班人鬼殺咁嘈, 咁啲專業評述員把聲就會比呢班人蓋過或都打斷, 其實陳百祥係咪真係一個適而做奧運的專業主持呢?

TVB啲藝員訪問運動員真係好得意, 永遠個身明明背住個鏡頭, 但個頭就永遠擰返對住鏡頭, 慌死唔知係妳訪問個運動員咁, 我知我知, 妳靚啦, 但唔望住人哋問人嘢, 妳好無禮貌啫!

全TEAM人最好係蔡康年同楊婉儀, 做主持恰如其份, 適當時間交個波比評述員. 早幾年蔡康年都算係好受歡迎的DJ, 做主持係應該不成問題的. 至於點解專登要搵潘宗明返嚟十幾日做奧運呢? 難道TVB忘記了還有出色的鄧梓峰嗎?

無錯, 奧運係一個龐大的商業項目, 因此電視台要賣廣告, 以支付呢排咁靚又鬼殺咁嘈的主持, 加上TVB多人睇, 因此廣告特多, 重要時刻唔理咁多都要播廣告.

好彩仲有間電視台叫亞視, 呢間電視台唔多人睇, 但永遠默默耕耘, 有陣時又有幾騎呢得幾騎呢, 因為輸得起, 永遠有驚喜.

今次佢哋就以一加四頻道直播或轉播賽事, 不理質素如何, 總知有得你捒. 不過主持方面同TVB真係不遑多讓, 林曉峰佢我真係擔心佢奧運之後响亞視會做乜, 至於袁彩雲, 主要係負責講" 呢場賽事好精彩" 同埋"評述員令我投入咗場賽事裡面" 之後就無乜嘢講.

離譜的仲有個叫樓南光的人, 星期日睇十米氣步槍, 中國隊令先緊時你嗡乜嘢單起隻眼都贏呀, 你知唔知你自己嗡乜呀, 咩叫勝不驕你知唔知呀?

唔知係咪睇亞視時要求會低啲, 定係本身電視台做呢類節目時會有自己的風格, 縱使上屆谷德昭在TVB當主持時遭人垢罵, 但今屆在亞視當主持又無亂講嘢, 不過可能佢上次比人話得狠掛.

全個亞視最好係徐嘉諾, 呢個人好似乜都識, 佢一個可以頂十個, 本身佢向STAR SPORT 做評述, 但又係亞視體育組, 咁本身佢係亞視定係STAR o既職員呢? 不過佢講開NBA, 星期日晚中國對美國的籃球比賽, 兩個台的評述真係高下立見. 唔駛諗, 立即睇亞視, 就算無佢評述, 起碼佢全場直播無廣告, 死未!

大家都棒到劉翔天咁高, 真係有啲擔心.

打電話去now, 我這一類客戶只要簽十二個月, 每月只要六元便可以收看. 覺得價錢合理, 便簽了一年合約.

因為之前續約是可以每月減廿元, 不過今時今日, 數碼通拿了固網的牌照, 近來的廣告攻勢排山倒海, 又飛線又來電顯示又CALL WAITING又IP CALL仲送電話, 都只係110元, 真係會令人有點心動.

打出熱線, 同客戶服務員講有沒有最平的月費, 什麼禮品, AIRTIME 也不要, 然後講講數碼通的計劃幾吸引, 糾纏了一陣子便OFFER了以下兩個PLAN 給我.

(閱讀全文)

其實我在NOW一直也有訂購 NATIONAL組合, 為著的就是NOW之前獨有這個 WILD頻道而有線沒有, 況且它是以廣東話廣播, 最適合我這些英文差劣, 又懶去追字幕的人欣賞. 所以每月會奉上28元.

去年年底, 由於我是NOW買一送一的和戶, 贈送的頻道到期, NOW的客戶服務員便遊說我可以重新選購頻道, 還提供了”筍”價368元幾乎看全餐. 不過我實在覺得太貴, 只希望繼續有買一送一優惠. 不過當然沒有這些提供.

當時還未知道有線將會有WILD, 還大大聲和客戶服務員講WILD 是你們獨有的, 那時客戶服務員沒有出聲, 現在想起才覺得奇怪. 否則會在組合內刪掉了這個組合. 省回28大元.

話說回來, 現時有線的頻道結構果真奇怪, 自2003年起, 有線曾經把大部份頻道編號重新編排, 如個位的是新聞, 4字頭是電影頻道, 6字頭是體育頻道等, 但隨著頻道越來越多, 新增的頻道便亂放, 好像之前CNN HEADLINE便放在69頻道, 新增的WILD本應屬於5字頭記錄片頻道, 由於5字頭己放滿, 現在竟放於33頻道, 而半島電視台, 應屬於7字頭的外語新聞頻道, 現在竟放於34娛樂平台中, 這個電視台有幾娛樂呢?

現時有線的頻道也算幾雜亂無章, 看來是時候又要把頻道再整理過.

(閱讀全文)

(閱讀全文)

(閱讀全文)

(閱讀全文)

(閱讀全文)

(閱讀全文)

(閱讀全文)